Hikmat Acharya
  • ९ जेठ २०८१, बुधबार
  • काठमाडौं
Paschim Raibar

एल पी शर्माको ‘लिलु’ लाई उत्कृष्ट देउडा गीतको अवार्ड : अवार्डको हकदार बनाउने सवैमा आभार व्यक्त


सुदूरपश्चिमको छाउ प्रथाबारेको म्युजिक भिडियो ‘लिलु’ले उत्कृष्ट देउडा गीतको अवार्ड प्राप्त गरेको छ । राष्ट्रिय समावेशी म्युजिक अवार्ड अन्तर्गत ‘लिलु’ले सर्वोत्कृष्ट देउडा गीतको अवार्ड प्राप्त गरेको हो ।

निम अवार्डको छैटौँ संस्करणको अवार्ड वितरण तथा सम्मान कार्यक्रमका बिच उत्कृष्ट देउडा भाका तर्फको सर्वोत्कृष्ट म्युजिक भिडियोको अवार्ड ‘लिलु’का निर्माता तथा कलाकार एल.पी शर्माले ग्रहण गरेका छन् ।

आइतबार काठमाण्डौमा आयोजित अवार्ड वितरण कार्यक्रममा सङ्घीय मामिला तथा सामान्य प्रशासन मन्त्री अमनलाल मोदी प्रमुख अतिथि रहेका थिए ।

विभिन्न भाषा भाषीका गरी कुल ४२ विधामा प्रतिस्पर्धामा रहेका कलाकार, स्रष्टा तथा सर्जकहरूमध्येबाट अनलाइन भोटिङ प्रक्रिया र निर्णायकहरूको मतको आधारमा ‘लिलु’ले देउडा तर्फको सर्वोत्कृष्ट म्युजिक भिडियोको उपाधि पाउन सफल भएको हो ।

देउडा तर्फको सर्वोत्कृष्ट म्युजिक भिडियोको अवार्ड पाएसँगै निर्माता तथा कलाकार शर्माले ‘लिलु’लाई अवार्डको हकदार बनाउने दर्शक,श्रोता तथा निर्णायक तथा शुभेच्छुकहरूलाई धन्यवाद ज्ञापन गरेका छन् ।

सुदूरपश्चिमका चेलीबेटी तथा दिदी बहिनीहरूले संस्कृतिका नाममा भोग्नु परिरहेको दमन र अन्यायको आवाजलाई ‘लिलु’ ले विम्बित गर्न सफल भएकै कारण लिलु अवार्डको हकदार बन्न सफल भएको शर्माको भनाई छ ।

छाउ प्रथाबारे बनेका ऐन कानुनहरूका अघि खिल गाडेर बसेका मूल्य मान्यता फिक्का भएपछि विस्फोटनका रूपमा आएको ‘लिलु’ र यसको विद्रोहमा साथ दिन शर्माले सवैमा आग्रह समेत गरेका छन् ।

लिलुको हालसम्मको सफलताका लागी सवैमा आभार प्रकट गर्दै उनले आगामी दिनमा पनि समाजको यथार्थता बिम्बित गर्ने अन्य कोसेलीहरू दर्शक तथा श्रोताहरूको माझ पस्किने उद्घोष गरेका छन् ।


क्याटेगोरी : कला-साहित्य

प्रतिक्रिया


धेरै पढिएका

प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode