दशैंमा बान्नीगढीका दुई स्थानमा देउडा खेल : सपना र शारदाले देउडा खेलाउने

धनराज साउँद २ हप्ता अगाडि

अछाम । विजयादशैंको अवसरमा बान्नीगढी जयगढ गाउँपालिकाका दुई स्थानमा देउडा खेल आयोजना हुने भएको छ ।

वडा नम्बर ३ बरदादेवीको लामागाउँ र वडा नम्बर ५ कालिकाको बाच्कोटमा देउडा खेल हुने आयोजकले जनाएका छन् ।

कालिका–बाच्कोटमा गायिका सपना रावलले र बरदादेवी–लामागाउँमा शारदा बोहराले देउडा खेलाउने छन् । यहि असोज १६ गते अर्थात् दशैंको टिकाको दिन दिउँसो दुवै ठाउँमा देउडा कार्यक्रम तय गरिएको छ ।

स्थानीयवासीको पहलमा बरदादेवीको लामागाउँ चल्लाकाट्ने पटाकानीमा खेल खेलीने लाल साउँदले बताएका छन् । उता कालिका–बाच्कोटमा ठुलाघर पटाकानीमा देउडा खेलिने देउडामा सहभागी भई दिन नविन साउँदले सम्पूर्ण देउडा प्रेमीलाई निमन्त्रणा गरेका छन् ।

धनराज साउँद

साउँद रेडियो बान्नीगढीको कार्यकारी निर्देशकका साथै पश्चिम रैवारको प्रकाशक हुन् । उनले खोज अनुसन्धान तथा समसमायीक बिषयमा कलम चलाउँछन् ।