Hikmat Acharya
  • १० जेठ २०८१, बिहीबार
  • काठमाडौं
Paschim Raibar

दर्नाका २ छानामा आगलागी : १ लाख नगद सहित धनमाल जलेर नष्ट


अछामको बान्नीगढी जयगढ गाउँपालिकाको वडा नम्बर ६ दर्नामा आगलागी हुँदा २ वटा छाना जलेर नष्ट भएका छन् ।

आईतवार दिउसो २ बजेको समयमा स्थानीय जङ्गलमा लागेको आगो छानामा सल्किदा वडा नम्बर ६ दर्नाको कँचालामा रहेका २ वटा छाना जलेर नष्ट भएका हुन् ।

जयगढ प्रहरी चौकीका इन्चार्ज प्रहरी सहायक निरीक्षक नरेन्द्रराज भट्टाका अनुसार स्थानीय जङ्गलमा लागेको आगो छानामा सल्किदा स्थानीय लाल बहादुर साउँदको नगद १ लाख सहित २ वटा छानामा रहेको अन्न र लुगा कपडा जलेर नष्ट भएका छन् ।

छानामा राखिएको १ लाख नगद सहित ७ कट्टा गहुँ,७ कट्टा जौ,२ कट्टा कोदो,१ कट्टा मकै र १ कट्टा तोरी र छानामा राखिएका लुगा कपडा जलेर नष्ट भएको बताइएको छ । घट्नामा अन्दाजी २ लाख बढीको क्षति भएको प्रहरी सहायक निरीक्षक भट्टको भनाई छ ।

घरमा कोही नभएको समयमा भएको आगलागीले पूर्ण रुपमा क्षति भइसके पश्चात् मात्रै उनीहरूले जानकारी पाएका थिए । पछिल्लो समय अछामका प्राय जसो वनजंगलमा जथाभाबी आगलागी हुँदा बिभिन्न घटनाको जोखिम बढी रहेको छ ।

यो पनि पढ्नुहोस

अछाममा आगलागीमा परि २ नाबालकको मृत्यु


क्याटेगोरी : पालिका, समाचार, सुदूरपश्चिम

प्रतिक्रिया


धेरै पढिएका

प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode