गुप्तचर विभाग गृह मन्त्रालय मातहत फर्कियो

काठमाडौं :  राष्ट्रिय अनुसन्धान विभाग (राअवि)  गृह मन्त्रालय मातहत आएको छ ।

राष्ट्रपति रामचन्द्र पौडेलले नेपाल विशेष सेवा ऐन २०४२ लाई संशोधन गर्न बनेको अध्यादेश जारी गरेसँगै औपचारिक रूपमा गुप्तचरी निकाय राअवि गृह मन्त्रालय मातहत आएको हो ।

मंगलबार बसेको मन्त्रिपरिषद् बैठकले अध्यादेश जारी गर्न राष्ट्रपति पौडेलसमक्ष सिफारिस गरेको थियो ।

२०७४ मा केपी शर्मा ओली प्रधानमन्त्री हुँदा गृह मातहत रहँदा बेकामे बनेको आरोप लगाउँदै गुप्तचरलाई प्रधानमन्त्री कार्यालय मातहत लगिएको थियो ।

अन्य विभागहरू पूर्ववर्ती रूपमा फर्किए पनि कानुनी अड्चनका कारण राअवि प्रधानमन्त्री कार्यालय मातहत रहेको थियो। विशेष सेवा ऐनको दफा ४ मा प्रष्ट रूपमा राअवि प्रधानमन्त्री तथा मन्त्रिपरिषद्को कार्यालयअन्तर्गत रहने उल्लेख थियो ।

यो बीचमा गुप्तचर निकाय प्रभावकारी नभएर स्वार्थ पूर्ति गर्ने साधन बनेको विश्लेषण गरिएसंगै साढे सात वर्षपछि अध्यादेश जारी गर्दै सुशीला कार्की नेतृत्वको सरकारले यसलाई पुरानै अवस्थामा फर्काएको हो ।

पश्चिम रैवार

थप समाचार

सुदूरपश्चिमको लगातार दोस्रो जित, फेरि हार्‍यो पोखरा

सुदूरपश्चिमले दियो पोखरालाई १९४ रनको लक्ष्य

बाजुरामा १२ नयाँ मतदान केन्द्र सिफारिस

संकटमा सुदूरपश्चिमका एफएम रेडियो

कञ्चनपुरमा धानखरिद नहुँदा कृषक चिन्तित

डडेल्धुरामा आजदेखि खोरेत रोगविरुद्ध खोप अभियान सञ्चालन हुँदै