डोटीमा जिप पल्टिँदा एक महिलाको मृत्यु

पश्चिम रैवार ११ सेकेन्ड अगाडि

धनगढी : डोटीमा आज (मंगलबार) बिहान जिप दुर्घटना हुँदा महिलाको मृत्यु भएको छ।

दुर्घटनामा बडीकेदार गाउँपालिका–३ देवलकी ३५ वर्षीया लक्ष्मी कुमारी सलामीको मृत्यु भएको प्रहरीले जनाएको छ।

जिल्ला प्रहरी कार्यालयका अनुसार कैलालीको सुख्खडबाट बडीकेदार गाउँपालिका–३ तर्फ गइरहेको सुपप्र ०१००१ च ४६५१ नम्बरको बोलेरो जिप मंगलबार बिहान सापट भाँचिएर पल्टिएको हो।

दुर्घटनामा सलामीको घटनास्थलमै मृत्यु भएको प्रहरीले जनाएको छ।

जिपमा चालकसहित ९ जना सवार थिए। अन्य यात्रु भने सुकुशल छन्।