सुदूरपश्चिम एमाले संसदीय दलको ‘बोल्ड’ निर्णय, स्वकीय , ड्राइभर र भान्सेबाट परिवारका व्यक्ति हटाउनु पर्ने

पश्चिम रैवार ३ हप्ता अगाडि

धनगढी : नेकपा एमाले सुदूरपश्चिम प्रदेश संसदीय दलले आफ्ना मन्त्री र राज्यमन्त्रीहरूले स्वकीय सचिवदेखि भान्सेसम्म परिवारका सदस्यहरूलाई नियुक्ति गरेको भन्दै तत्काल हटाउन निर्देशन दिएको छ।

आन्तरिक मामिला मन्त्री हिरा सार्कीको निवासमा बसेको बैठकमा मन्त्री सार्की, भौतिक पूर्वाधार विकास मन्त्री सुरेन्द्र पाल र भूमि व्यवस्था कृषि तथा सहकारी मन्त्री वीरबहादुर थापा सहभागी थिए।

बैठकमा सांसदहरूले छोरा–छोरी, भाइ–ज्वाइँसम्मलाई जिम्मेवारी दिएको भन्दै आलोचना गर्दै तत्काल खारेज गर्ने निर्णय गरेका हुन्। बैठकले मन्त्री मात्र नभई सांसद र समिति सभापतिसम्मले पनि परिवारलाई नियुक्ति दिन नपाउने स्पष्ट गरेको छ।

साथै जेनजी आन्दोलनका क्रममा तोडफोड, लुटपाट र आगजनीबारे छानबिन गर्न संसदीय समिति गठन गर्न सरकारलाई सुझाव दिने र एमालेले छुट्टै अध्ययन गर्ने निर्णय पनि गरिएको प्रमुख सचेतक चक्र मल्लले जानकारी दिए।