दार्चुला जिल्ला अदालतका न्यायाधीश पाण्डे सर्वोच्च तानिए, कारण यस्तो

पश्चिम रैवार ४ हप्ता अगाडि

धनगढी : दार्चुलाका जिल्ला न्यायाधीश पुष्पराज पाण्डे सर्वोच्च अदालत तानिएका छन्।

उनलाई सर्वोच्च अदालतमा काजमा रहने गरी जिल्लाको जिम्मेवारीबाट वञ्चित गरिएको हो।

उनको आचरणको विषयमा प्रश्न उठेपछि प्रधानन्यायाधीश प्रकाशमान सिंह राउतले सर्वोच्च झिकाउन लगाएका हुन्।

न्याय परिषद् स्रोतका अनुसार उनीमाथि खराब आचरणको आरोपमा कारबाही प्रक्रिया अघि बढाइएको छ।

‘उहाँको कर्मचारीसँग पनि केही समस्या देखियो। प्रधानन्यायाधीशज्यूले यस्ता कुरामा शून्य सहनशीलताको नीति अपनाउनु भएको छ। त्यसैअनुसार उहाँ काजमा तानिनु भएको छ’ स्रोतले भन्यो।