सुदूरपश्चिमका देउवासहित ११ जना एसएसपी डीआईजीमा बढुवा सिफारिस

पश्चिम रैवार ४ हप्ता अगाडि

डडेल्धुरा : सुदूरपश्चिम घर भएका एसएसपी दिलीपसिंह देउवासहित नेपाल प्रहरीका ११ जना वरिष्ठ उपरीक्षक (एसएसपी)हरू नायब महानिरीक्षक (डीआईजी) बढुवाका लागि सिफारिस भएका छन्।

मंगलबार बसेको बढुवा सिफारिस समितिको बैठकले उनीहरूलाई बढुवाका लागि सिफारिस गरेको हो ।

बढुवा सिफारिस हुने एसएसपीहरूमा सुदर्शन कोइराला, बिनोद घिमिरे, दीपेन्द्र घर्ती क्षेत्री, दीपक रेग्मी,माधव प्रसाद श्रेष्ठ, दिलिपसिंह देउवा रहेका छन्।

यसैगरी, दीपक कुमार बस्नेत, ओमबहादुर राना, जयराज सापकोटा, संजिब शर्मा दास र सुरेन्द्र बहादुर गुरुङ पनि डीआईजी बढुवा सिफारिस भएका छन्।

मंगलबार नै बसेको बढुवा सिफारिस समितिको बैठकले डीआईजी सिद्धि विक्रम शाहलाई एआईजी बढुवाका लागि सिफारिस गरेको थियो।

त्यससँगै प्रहरीमा रिक्त हुन आउने ११ डीआईजी पदका लागि एसएसपीहरू बढुवा सिफारिस भएका हुन्। प्रहरीमा गत चैत ४ गतेदेखि नै १० जना डीआईजीको पद खाली थियो।