अछाममा सामाजिक विकृतिविरुद्ध सचेतना कार्यक्रम

पश्चिम रैवार ४ हप्ता अगाडि

अछाम : बान्नीगढी जयगढ गाउँपालिका–५, कालिका स्थित नन्दा माध्यमिक विद्यालयमा जिल्ला प्रहरी कार्यालय अछामको आयोजनामा एक दिवसीय सचेतना कार्यक्रम सम्पन्न भएको छ।

विव्यस अध्यक्ष टंकबहादुर साउदको अध्यक्षता, प्रहरी नायव उपरीक्षक (डीएसपी) ईश्वरी प्रसाद भण्डारीको प्रमुख आतिथ्यता र विद्यालयका प्रधानाध्यापक सुरत रावलको आतिथ्यतामा कार्यक्रम सञ्चालन भएको हो।

समुदाय–प्रहरी साझेदारी कार्यक्रम अन्तर्गत आयोजित उक्त कार्यक्रममा डिएसपी भण्डारीले बालविवाह, बहुविवाह, आत्महत्या, यौन दुर्व्यवहार, लागूऔषध दुर्व्यसन तथा छाउपडी प्रथाजस्ता सामाजिक समस्याका कारण, असर र तिनको न्यूनिकरणका उपायबारे विस्तृत जानकारी दिए।

साथै, आत्महत्या गर्न सक्ने व्यक्तिहरुमा देखिने संकेत, आत्महत्या सम्बन्धी तथ्यांक, र प्रहरीको सक्रिय भूमिका बारे समेत प्रकाश पारे।