डडेल्धुरा अस्पतालमा थपियो ३१३ जनाको अस्थायी दरबन्दी

पश्चिम रैवार १ महिना अगाडि

डडेल्धुरा : डडेल्धुरा अस्पताल डडेल्धुरामा दरबन्दी थप भएको छ।

स्वास्थ्य मन्त्रालयको परिपत्र अनुसार संघीय मामिला तथा सामान्य प्रशासन मन्त्रालयले डडेल्धुरा अस्पतालमा ३१३ जनाको अस्थायी दरबन्दी थप गरेको हो।

अस्थायी दरबन्दी थप हुनेमा डडेल्धुरा अस्पताल, सुशिल कोइराला प्रखर क्यान्सर अस्पताल, स्वास्थ्य बीमा बोर्ड र गेटा अस्पताल रहेका छन्।

डडेल्धुरा अस्पताल व्यवस्थापन समितिका अध्यक्ष करुणाकर ओझाले मेडिकल जनरलिष्टदेखि भान्सेसम्मको दरबन्दी थप भएको बताए।

अध्यक्ष ओझाको निरन्तरको पहल पश्चात् दरबन्दी थप भएको बताइन्छ। संघीय सरकार मातहतको डडेल्धुरा अस्पतालमा १०९ जनाको स्थायी दरबन्दी रहेको छ।

क्याटेगोरी : समाचार, सुदूरपश्चिम

थप समाचार