अत्तरियाबाट गहना चोर्ने तालमुनि फेला

पश्चिम रैवार ४ हप्ता अगाडि

धनगढी- कैलालीको अत्तरियाबाट गरगहना चोरेर फरार रहेका एक जना पक्राउ परेका छन् ।

गोदावरी नगरपालिका–१ अत्तरियाकी ३४ वर्षीया लक्ष्मी ठगुन्नाको कोठाबाट हिजो (शुक्रवार) सुनका गरगहना चोरी भएको थियो ।

ठगुन्नाले प्रहरीलाई गहना चोरी भएको खबर गरेपछि प्रहरीले चोरको खोजी कार्य गरेको थियो ।

खोजी गर्नेक्रमा गहना चोर्ने धनगढी उपमहानगरपालिका–४ बोराडाँडीका २२ वर्षीय बिज्ञान बस्नेतलाई पानीको तालमा लुकि छिपि बसिरहेको अवस्थामा पक्राउ गरेको प्रहरीले जनाएको छ।

उनको साथबाट सुनको झुम्का २ थान, सुनको औठी १ थान, सुनको नागिनि १ थान, सुनको लकेट १ थान, सुनको चन्द्रमा १ थान, सुनको फुली १ थान फेला पारेको छ। उनलाई इलाका प्रहरी कार्यालय मालाखेतीले पक्राउ गरेको हो।