अन्तिम पटक चौकिमा सुतेका हवल्दारलाई भेटेर वेपत्ता भएकि थिईन डिम्बर घाटकि किशोरी

बिन्दु चन्द २ महिना अगाडि

बैतडी – बैतडीको पञ्चेश्वर गाउंपालिका वडा नम्बर २ कि १७ वर्षीया किशोरी हराएको आज २३ दिन भइसकेको छ, तर उनी अझै फेला पर्न सकेकी छैनन् ।

असोज २३ गते साँझ ६ बजेदेखि राति १० बजेसम्म बेपत्ता रहेकी किशोरी प्रहरी हवल्दार कृष्ण जोशीसंग रहेको खुलेको छ ।

घरबाट किशोरी र चौकिबाट हवल्दार जोशी ४ घण्टा सम्पर्क विहिन भएका थिए । असोज २४ गतेको दिन दिनभर किशोरीले खेतमा काम गरेको बताइएको छ । तर २५ गते बिहान ६ बजेदेखि किशोरी बेपत्ता भएकि थिईन् ।

भएको यस्तो थियो

प्रहरी हवल्दारले दिएको बयान अनुसार विहान हवल्दार जोशि आफ्नै कोठामा सुतेका थिए । उनी सुत्ने कोठा अलग्गै छ । अरु कर्मचारी सुत्ने तिर संगै कोठा छन भने हवल्दार सुत्ने कोठा अलग साइडमा रहेको बताइएको छ ।

असोज २५ गते विहानको समयमा उनी मस्त सुतिरहेका थिए । सोहि समयमा किशोरी जोशिको ढोकामा आइपुग्छिन्, र उनलाई केही कुरा गर्नुछ भन्दै बाहिर बोलाउँछिन् ।

त्यसपछि जोशी र किशोरी चौकिका अन्य स्टाफले कुराकानि गरेको सुन्न सक्छन भनेर चौकि भन्दा केहि टाढा गएर कुराकानि गर्न थाले । किशोरीले जोशिलाई आफ्नो घरबाट तनाव दिनथालेको कुरा बताइन् ।

२३ गते राति दुवै जना हराएको बारे घरमा थाहा भइसकेको र आफुलाई डर लागिरहेको कुरा उनले बताएको बयानमा भनिएको घटनाको अनुसन्धानमा खटीएका जिल्ला प्रहरी कार्यालय बैतडीका प्रहरी निरीक्षक जनकराज ढुगांनाले बताए ।

किशोरीले दुवै जनाको निकट सम्बन्धको बारे घरमा थाहापाएको र केही गर्न जोशि सगं भनेको बताइएको छ ।

तर हवल्दार जोशीको घरमा श्रीमती र छोराछोरी छन् । उनले आफ्नो परिवारलाई जानकारी गराउने र त्यसपछि केहि व्यवस्थापन गर्ने भनेर दुवै जना त्यहाँबाट आ आफ्नो गन्तव्य लागेको बताइएको छ ।

किशोरी पानी भर्छु भनेर खोलातिर गएको र आफु चौकिमा आएर फेरी सुतेको जोशीले बयानमा भनेको बताइएको छ ।
तर किशोरी घर न फर्केपछि परिवारले खोजी गर्न थाले ।

हवल्दार जोशीले नै गायब गरेको परिवारको दाबी

२३ गतेको घटनाले परिवारमा शंका पैदा गरेको थियो । छिमेकि आफन्तकोमा खोजि गर्दा कतै नभेटिएपछि परिवारले हवल्दारलाई नै खोज्न भने ।

प्रेमसिंहले भने, ‘हामीलाई २३ गतेको घटना पछि पुरा शंका लागेको थियो । हामीले कतै फेला नपारेपछि हवल्दारलाई नै खोज्न भन्यौँ । जसरी पनि हाम्री छोरी चाहिन्छ हाम्रो पुरा शंका तपाइमा छ भनेर दबाब दियौँ ।’

फेरी हवलदार भागे

किशोरीका परिवारले हवल्दारलाई दबाव दिन थालेपछि उनले पनि भाग्ने सोच बनाए । किशोरी खोज्न जान्छु भन्दै हवल्दार जोशी तल्लो घाट नागार्जुन घाट तिर गए । उनी नागार्जुनघाटको डुगांमार्फत तरेर भारततिर भागेका थिए ।

हवल्दार भगाउन अन्य स्टाफहरुको पनि सहयोग रहेको प्रेमले बताए ।

प्रेमले भने, ‘पहिले हवल्दार जोशि गए । पछि सहायक हवल्दार र एक जना प्रहरी जवानले जोशिका लुगाकपडासहितको झोला सिमेन्टको कट्टामा हाली बाटोसम्म पुर्याए ।’

हवल्दार जोशि पनि भागेको थाहा पाएपछि परिवारले भारतमा एसएसबी लगायत आफन्तहरुलाई समात्न अनुरोध गरेको प्रेमले बताए ।

जोशिलाई भारतको सुर्यखालबाट डोरीले बाँधेर वारी ल्याइएको थियो । फेरी जोशीलाई प्रहरीको जिम्मा लगाएको थियो ।

अहिले प्रहरी हवल्दारलाई पुर्पक्षका लागि कारागार चलान गरिएको छ । किशोरी भने वेपत्ता नै छन् ।

उनीहरुबीच निकट सम्बन्ध रहेको खुलेको छ । हवल्दारको फोनमा किेशोरीसंग अगांलो हालेका, किस गरेको तथा विभिन्न फोटो भिडियोहरु रहेको बताइएको छ ।