अछाम– अछाममा डेंङ्गु लगायत विभिन्न किटजन्य रोगहरुको नियन्त्रण सम्बन्धि एक दिने अभिमुखिकरण कार्यक्रम सम्पन्न भएको छ ।
जिल्लाको बान्नीगढी जयगढ गाउँपालिकाको आयोजनामा सो कार्यक्रम विभिन्न सरोकारवालाहरुबिच सम्पन्न भएको हो ।
गाउँपालिका अध्यक्ष टेक बहादुर साउँदको अध्यक्षतामा भएको सो कार्यक्रममा पालिकाका जनप्रतिनिधि , स्वास्थ्यकर्मी लगायत सरोकारवालाबिच अभिमुखिकरण कार्यक्रम गरिएको हो ।
उक्त कार्यक्रममा नेपालमा डेङ्गी रोगको अवस्था, जोखीम र न्युनिकरणका लागि अवलम्बन गर्नुपर्ने उपायबारे छलफल तथा प्रशिक्षण गरिएको थियो ।
नेपालमा सन २००४ मा पहिलो पटक एक जना विदेशि नागरिकमा डेङ्गी रोगको संक्रमण देखिएको थियो भने गएको आर्थिक बर्षमा मात्रै नेपालमा ५६ हजार ३ सय ८० जना संक्रमित भएका थिए ।
अछाम जिल्लामा गएको आर्थिक बर्ष २०८०/८१ मा मात्रै १ सय ४५ जना डेङ्गी रोगबाट संक्रमित भएको तथ्याँकले देखाएको छ ।
साउँद रेडियो बान्नीगढीको कार्यकारी निर्देशकका साथै पश्चिम रैवारको प्रकाशक हुन् । उनले खोज अनुसन्धान तथा समसमायीक बिषयमा कलम चलाउँछन् ।
क्याटेगोरी : पालिका, सुदूरपश्चिम, स्वास्थ्य-शिक्षा
प्रतिक्रिया