एन्फा महिला लिग फुटबलमा त्रिभुवन आर्मी क्लबले सुदूरपश्चिम प्रदेशलाई फराकिलो अन्तरले हराएको छ ।
ललितपुरको सातदोबाटोमा रहेको एन्फा कम्प्लेक्सको मैदानमा आज भएको खेलमा आर्मीले सुदूरपश्चिमलाई १४–१ को अन्तरले हरायो ।
आर्मीका लागि दीपा शाहीले ५ गोल गरिन् । यस्तै अनिता लम्जेलले २ तथा बिमला चौधरी, हिमा चौधरी, चन्द्रा भण्डारी, सन्जु कुमाल, बिमला विक र सावित्रीदेवी भण्डारीले समान १ गोल गरे ।
आर्मीले १ गोल आत्मघाती पायो । यस्तै सुदूरपश्चिमले पनि १ गोल आत्मघाती पायो ।
यो जीतसँगै आर्मी ३ खेलमा ६ अङ्कसहित तालिकाको चौथो स्थानमा छ । सुदूरपश्चिम भने ३ वटै खेल हार्दै तालिकाको पुछारमा छ ।
क्याटेगोरी : खेलकुद, समाचार
प्रतिक्रिया