पहाडी रुटका बसले खाना खुवाउने अड्डा महेश्वरी होटेलको खानामा किरा भेटिएपछि…
![](https://ap-south-1.linodeobjects.com/assets.paschimraibar.com/2024/02/%E0%A4%85%E0%A4%B8%E0%A5%81%E0%A4%B0%E0%A4%95%E0%A5%8D%E0%A4%B7%E0%A4%BF%E0%A4%A4-%E0%A4%AF%E0%A5%8C%E0%A4%A8-%E0%A4%B8%E0%A4%AE%E0%A5%8D%E0%A4%AA%E0%A4%B0%E0%A5%8D%E0%A4%95-%E0%A4%A8%E0%A5%88-%E0%A4%AA%E0%A4%BE%E0%A4%A0%E0%A5%8D%E0%A4%AF%E0%A4%98%E0%A4%B0%E0%A4%95%E0%A5%8B-%E0%A4%95%E0%A5%8D%E0%A4%AF%E0%A4%BE%E0%A4%A8%E0%A5%8D%E0%A4%B8%E0%A4%B0%E0%A4%95%E0%A5%8B-%E0%A4%AA%E0%A5%8D%E0%A4%B0%E0%A4%AE%E0%A5%81%E0%A4%96-%E0%A4%95%E0%A4%BE%E0%A4%B0%E0%A4%A3-%E0%A4%B9%E0%A5%8B_20240216_202231_0000.png)
सुदूरपश्चिम प्रदेशका पहाडी रुटमा चल्ने सार्वजनिक बसहरूले खाना खुवाउने होटेलको खानामा किरा भेटिएको छ ।
पहाडी रुटमा चल्ने सार्वजनिक बसहरूले खाना खुवाउने अड्डाका रुपमा चिनिएको डडेल्धुराको टडिबाटामा रहेको श्री महेश्वरी होटल एण्ड लजमा खाने क्रममा दालमा किरा भेटिएको हो ।
उक्त होटेलको खानामा किरा भेटिएको भन्दै ओझा गणेशले सामाजिक संजालमा स्टाट्स लेखेका छन् । किरा भेटिएको खाना सहित पोस्ट गरेको उनको स्टाट्स दर्जनौँले शेयर गरेका छन् भने विभिन्न टिका टिप्पणी भइरहेका छन् ।
पहाडी रुटमा चल्ने बसका सञ्चालकले होटलवालासंग मिलेर एक्लै होटल भएको ठाउँमा जबरजस्ती खाना खान बाध्य पार्ने गरेको यात्रुहरूको गुनासो छ ।
ओझाको स्टाट्समा कमेन्ट गर्नेहरूले पहाडी रुटका सार्वजनिक बसहरूमा यात्रा गर्ने यात्रुहरू खानाका नाममा जहिल्यै लुटिने,होटलहरुले अखाद्यबस्तु खुवाउने र चर्को मूल्य असुल्ने गरे पनि सम्बन्धित निकायले कुनै सुनुवाइ नगरेको बताएका छन् ।
खानामा किरा भेटिएको श्री महेश्वरी होटल एण्ड ल अछाम,बाजुरा र डोटीसँगै अन्य पहाडी जिल्लाबाट आवतजावत गर्ने बसहरूले खाना खुवाउने अड्डा हो ।
यता होटलका संचालक श्याम बहादुर बिएलले भने खानामा किरा भेटिएको विषय गलत रहेको दाबी गरेका छन् ।
फेसबुकमा पोस्ट गर्ने ओझाले आफूले घरबाट समेत खाना बोकेर ल्याएको र आफ्नो होटेलमा १ खाना र १ हाप खाना मगाएकोमा उनले घरबाटै ल्याएको खानामा किरा भेटिएको हुन सक्ने उनको दाबी छ ।
खानामा किरा भेटिएको भन्दै प्रचार गर्ने विरुद्ध कानुनी उपचार खोज्ने उनले बताएका छन् ।
![](https://www.paschimraibar.com/wp-content/uploads/2023/02/Dhanraj.jpeg)
साउँद रेडियो बान्नीगढीको कार्यकारी निर्देशकका साथै पश्चिम रैवारको प्रकाशक हुन् । उनले खोज अनुसन्धान तथा समसमायीक बिषयमा कलम चलाउँछन् ।
क्याटेगोरी : समाचार, सुदूरपश्चिम
प्रतिक्रिया