नेपालगञ्जबाट काठमाण्डौको लागि छुटेको बस दाङमा पल्टिँदा १२ जनाको ज्यान गयो
![](https://ap-south-1.linodeobjects.com/assets.paschimraibar.com/2024/01/accident_kAStunAzAj.jpg)
नेपालगञ्जबाट काठमाण्डौको लागि छुटेको रात्रि बस गएराति दाङको भालुवाङमा पल्टिँदा १२ जनाको ज्यान गएको छ ।
भे १ ख ३९१२ नम्बरको बस गएराति राप्ती पुलबाट खसेर पल्टिएकोे इलाका प्रहरी कार्यालय भालुवाङ देउखुरीले जनाएको छ ।
बस पल्टिँदा अरु २३ जना यात्रु घाइते भएका छन् । ज्यान गुमाउनेहरुको पहिचान हुन नसकेको इलाका प्रहरी कार्यालय भालुवाङका प्रहरी निरीक्षक उज्ज्वल सिंहले बताउनुभयो ।
शवलाई लमहीको अस्पतालमा पठाइएको छ । २३ जना घाइतेलाई उपचारका लागि बुटवल र नेपालगञ्ज पठाइएको पनि प्रहरीले जनाएको छ ।
क्याटेगोरी : समाचार
प्रतिक्रिया