धनगढीमा बालिका करणी गरेको आरोपमा एक जना पक्राउ

राजेश साउँद ९ महिना अगाडि

कैलालीको धनगढीमा बालिका करणी गरेको आरोपमा एक जनालाई पक्राउ गरिएको छ ।

धनगढी उपमहानगरपालिका–२ की ११ वर्षीया बालिकालाई करणी गरेको आरोपमा १४ वर्षीय बालकलाई प्रहरीले नियन्त्रणमा लिएको हो ।

२० गतेको घटना भएपनि जिल्ला प्रहरी कार्यालय कैलालीमा सोमवार जाहेरी दर्ता भएको हो ।

घटनाबारे अनुसन्धान भइरहेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक कुलदिप चन्दले बताए । उनले बालिकाको स्वास्थ्य परीक्षण गरेर कानुनी प्रक्रिया अघि बढेको बताए ।