बोका चोरीको आरोपमा २ युवा पक्राउ

नमराज भण्डारी १ वर्ष अगाडि

धनगढी। कैलालीका २ युवा बोका चोरीको आरोपमा पक्राउ परेका छन्।

जिल्लाको गोदावरी नगरपालिकाका दुई युवकलाई बोका चोरीको आरोपमा प्रहरीले पक्राउ गरेको हो।

कञ्चनपुरको कृष्णपुर नगरपालिका वडा ५ स्थित जमुनाटोलमा बोका चोरी गरेको आरोपमा गोदावरी नगरपालिका १० मालाखेतीका नविन ताम्राकार र हरिश चुनारालाई प्रहरीले पक्राउ गरेको छ। कञ्चनपुरको गुलरियाबाट खटिएको प्रहरी टोलीले नीहरुलाई नियन्त्रणमा लिएको हो। उनीहरु दुबैलाई थप अनुसन्धानका लागि ईलाका प्रहरी कार्यालय झलारीको जिम्मा लगाइएको छ।

गत महिना कृष्णपुरकी प्रतिमा चौधरी र वैशाख ३ गते निर्मला नाथको बाख्रा चोरी भएको थियो। यस्तै हिजो शनिवार कृष्णपुर नगरपालिका ५ का रामपति चौधरीको बोका चोरी भएको थियो। तीनै जनाले उनीहरुविरुद्ध प्रहरीमा उजुरी दिएका थिए।
दिनेश खबर

नमराज भण्डारी

भण्डारी नेपाल पत्रकार महासंघ अछामका सह सचिव समेत हुन् । उनले समसामयिक विषयमा कलम चलाउँछन् ।

क्याटेगोरी : समाचार, सुदूरपश्चिम