अछाममा आगोले जलेर गम्भिर घाईते भएका हेमराजको मृत्यु
![](https://www.paschimraibar.com/wp-content/uploads/2023/03/WhatsApp-Image-2023-03-27-at-9.10.59-AM-460x375-1.jpeg)
अछाममा पेट्रोल आगलागीमा परी शरीरको ७० प्रतिशत भाग जलेर गम्भिर घाईते भएका हेमराज रोकामगरको उपचारको क्रममा काठमाण्डौमा निधन भएको छ ।
अछामको पञ्चदेवल विनायक नगरपालिका वडा नः ८ बारला स्थाई घर भएका रोकामगर गत फागुन १० गते आगलागीमा परी घाईते भएका थिए ।
आगलागीबाट गम्भिर घाईते भएका प्रेम रोकामगर र हेमराज रोकामगरको जिल्लामा उपचार सम्भव नभएपछि जिल्ला प्रशासन कार्यालय अछाम र पञ्चदेवल विनायक नगरपालिकाको पहलमा हेलिकप्टर मार्फत उद्धार गरि सुर्खेत पठाइएको थियो ।
घाईतेद्धयको सुर्खेतमा पनि उपचार सम्भव नहुँदा प्रधानमन्त्री एवम् नेकपा माओवादीका अध्यक्ष पुष्पकमल दाहाल प्रचण्डको पहलमा हेलिकप्टर चार्टर गरी काठमाण्डौ लगिएको थियो ।
काठमाण्डौको कृतिपुर स्थित बोर्न अस्पतालमा १ महिना देखि उपचारार्थ हेमराजको आज मृत्यु भएको हेमराजका काका दिपेन्द्र रोकामगरले जानकारी दिए ।
बोर्न अस्पतालको आईसीयू बेडमा उपचार गराइरहेका हेमराजको मृत्यु भएको अस्पतालले पुष्टि गरेको छ । आगलागीमा परी हेमराजको शरीरको आधिकांश भाग जलेको थियो ।
क्याटेगोरी : समाचार, सुदूरपश्चिम, स्वास्थ्य-शिक्षा
प्रतिक्रिया