विश्व क्षयरोग दिवस

क्षयरोगका लक्षण देखिने बित्तिकै स्वास्थ्य परीक्षण गराउन डा. वास्कोटाको आग्रह (कुराकानी सहित)

भानु ढकाल १ वर्ष अगाडि

जिल्ला अस्पताल अछाममा कार्यरत एम.डी.जी.पी डा. सोनाली बास्कोटाले क्षय रोगका लक्षण देखिनासाथ तुरुन्त स्वास्थ्य संस्थामा गएर स्वास्थ्य परीक्षण गराउन आग्रह गरेकी छन् ।

समयमै रोग पत्ता लागेमा चाडै पूर्ण रुपमा सन्चो पार्न सकिने भएकाले लक्षण देखिने बित्तिकै स्वास्थ्य परीक्षण गराउन उनले आग्रह गरेकी हुन् ।

निरन्तर खोकी लाग्ने , बेलुकी पख ज्वरो आउने , ज्वरो आउँदा पसिना आउने , खकारमा रगत देखिने , भोक नलाग्ने जस्ता लक्षणहरू देखा परेमा क्षयरोग लागेको हुनसक्ने उनले उल्लेख गरेकी छन् ।

क्षयरोग श्वासप्रश्वासका माध्यमबाट सर्ने सरुवा रोग भएकाले यसबाट बच्न निकै सजगता अपनाउनुपर्नेमा उनले जोड दिएकी छन् ।

क्षयरोगबाट सङ्क्रमित व्यक्तिलाई सुरक्षित तरिकाले छुट्टै ठाउँमा राख्नुपर्ने र नजिक जाँदा मास्क ग्लोब्स लगायतका सुरक्षाका सामाग्रीहरूको प्रयोग गरेर मात्रै नजिक जानुपर्ने उनले उल्लेख गरेकी छन् ।

यसैबिच आज हामीले विश्व क्षय रोग दिवसको अवसर पारी जिल्ला अस्पताल अछाममा कार्यरत एम.डी.जी.पी डा. सोनाली बास्कोटासंग क्षयरोग लाग्नुका कारण र बच्ने उपायका बारेमा कुराकानी गरेका छौँ ।

कुराकानी डा. सोनाली .