चितवन–२ मा हुने उपचुनावका लागि १८ दल दर्ता स् यी हुन् दर्ता भएका दलहरु

चितवन–२ मा हुने उपचुनावका लागि निर्वाचन आयोगमा १८ दल दर्ता भएका छन् । निर्वाचन आयोगले दल दर्ताका लागि फागुन १० गतेदेखि १६ गतेसम्मको समयसीमा निर्धारण गरेको थियो ।

आयोगका प्रवक्ता शालिग्राम शर्मा पौडेलका अनुसार आयोगले आह्वान गरेअनुसार दर्ता भएका दलले मात्रै उपचुनावमा भाग लिन पाउनेछन् । वैशाख १० गते चितवन क्षेत्र नम्बर २ मा उपचुनाव हुँदैछ ।

नागरिकता प्रकरणमा अदालतको आदेशपछि राष्ट्रिय स्वतन्त्र पार्टीका सभापति रवि लामिछानेको प्रतिनिधि सभा सदस्य पद खारेज भएपछि चितवन–२ मा उपचुनाव हुन लागेको हो ।

उपचुनावमा नेपाल मजदुर किसान पार्टी, मङ्गोल नेसनल अर्गनाइजेसन, राष्ट्रिय नागरिक पार्टी, नेपाली कांग्रेस, राष्ट्रिय जनमुक्ति पार्टी, राष्ट्रिय जनमोर्चा, नेकपा ९एमाले०ले भाग लिने गरी दल दर्ता गराएका छन् ।

त्यसैगरी राष्ट्रिय स्वतन्त्र पार्टी, समाजवादी ,नेकपा  माओवादी केन्द्र ,नागरिक उन्मुक्ति पार्टी, हाम्रो नेपाली पार्टी, पुनर्जागरण पार्टी, मौलिक जरो किलो पार्टी दर्ता भएका छन् ।

त्यस्तै राष्ट्रिय मुक्ति आन्दोलन नेपाल, नेपाली कांग्रेस बीपी राष्ट्रिय प्रजातन्त्र पार्टी र जय जन्मभूमि पार्टी नेपालले पनि दल दर्ता गराएका छन् ।

बिक्रम परियार

परियार एक दशकदेखी सक्रिय पत्रकारीतामा छन् । उनले समसामयीक बिषयमा कलम चलाउछन् ।

थप समाचार

छाउ प्रथा अछाममा : पालिका प्रमुख र माननीयको छलफल काठमाण्डौँमा…

तीव्र गतिमा बन्दै बान्नीगढीको प्रशासनिक भवन

“दृढ पाइला” शुक्रवार सार्वजनिक हुँदै

विश्वासको मत पाएपछि प्रधानमन्त्रीले लेखे यस्तो स्टाटस

प्रधानमन्त्री ओलीलाई दुई तिहाइ सांसदको विश्वास

तुर्माखाद गाउँपालिका अध्यक्ष बिसीले फेसबुकमा कसलाई भने जँड्याहा ?