जिल्ला स्तरीय १३ औँ राष्ट्रपति रनिङ्ग शिल्ड प्रतियोगिता तुर्माखाँदमा हुने

धनराज साउँद १ वर्ष अगाडि

तुर्माखाँद गाउँपालिकाका अध्यक्ष डम्बर बि.सी.ले आगामी अछाम जिल्ला स्तरीय १३ औँ राष्ट्रपति रनिङ्ग शिल्ड प्रतियोगिता तुर्माखाँदमा हुने उद्घोष गरेका छन् ।

बुधवार अछामको तुर्माखाँद स्थित श्री कालिकेश्वरी मा.वि.को खेल मैदानमा सञ्चालन भएको तुर्माखाँद गाउँपालिका स्तरीय अन्तर माध्यामिक बिद्यालयको राष्ट्रपति रनिङ्ग शिल्ड खेलकुद प्रतियोगिता उद्घाटन समारोहलाई सम्बोधन गर्दै यस्तो उद्घोष गरेका हुन् ।

कार्यक्रममा प्र्रमुख अतिथि समेत रहेको गाउँपालिका अध्यक्ष बि.सी.ले खेल क्षेत्रको बिस्तारका लागी तुर्माखाँद गाउँपालिकाले आगामी दिनहरूमा खेल र खेलाडीहरू को संरक्षणका लागी बजेटको अभाव हुन नदिने गरि काम गर्ने प्रतिबद्धता समेत जनाएका छन् ।

प्रतियोगितामा सहभागी भएका खेलाडीहरूलाई प्रोत्साहन गर्दै उनले अनुशासित भएर विचलित नभई खेलमा सहभागी हुन आग्रह गरेका छन् ।

प्रतियोगितामा सही रुपमा आफ्नो खेल क्षमता प्रदर्शन गरि जिल्ला हुँदै राष्ट्रिय प्रतियोगितामा समेत सहभागी हुनका लागी उनले खेलाडीहरूलाई शुभकामना समेत व्यक्त गरेका थिए ।

वडा नम्बर ४ का वडा अध्यक्ष पदमबहादुर बि.सी.को अध्यक्षतामा भएको कार्यक्रममा विशिष्ट अतिथि तुर्माखाँद गाउँपालिका उपाध्यक्ष विमला शाही,पूर्व पालिका उपाध्यक्ष अमृता बुढा,प्रमुख प्रशासकीय अधिकृत लोकबहादुर शाही विशिष्ट अतिथि रहेका थिए ।

धनराज साउँद

साउँद रेडियो बान्नीगढीको कार्यकारी निर्देशकका साथै पश्चिम रैवारको प्रकाशक हुन् । उनले खोज अनुसन्धान तथा समसमायीक बिषयमा कलम चलाउँछन् ।

क्याटेगोरी : खेलकुद, समाचार, सुदूरपश्चिम